ФБИ на подрачје на градот Вашингтон објавува реклами кои изгледа се смислени за да се регрутираат руски шпиони, но и за тие кои се запознаени со нивните активности, пишува Си-Ен-Ен.

The FBI is running ads on Facebook in the Washington D.C. area seemingly designed to target and recruit Russian spies as well as those who know about their work, CNN has learned.@donie reports. https://t.co/Zv3U62m23k pic.twitter.com/gdy9r4ospf

— CNN Newsroom (@CNNnewsroom) October 2, 2019

Новинарите на Си-Ен-Ен приметиле неколку спонзорирани реклами со таа цел. На едната се наоѓа фотографија од млада дипломирана девојка со нејзината фамилија. Покрај нејзе на руски јазик е напишано: „За вашата иднина, за иднината на вашата фамилија“.

Други покажуваат слики од шаховска плоча со текст на руски: „Зарем сега не е твој ред на потег?“

„Лично посетете не“

Рекламите водат до интернет страницата на канцеларијата на ФБИ во Вашингтон, на која на англиски и руски јазик се нудат детали за тимот за контраразузнавање и адреса на теренската канцеларија на ФБИ.

„Лично посетете не“, пишува на страницата.

„Можеме само да коментираме дека Русија има голем број на службеници од разузнавачката служба позиционирани во руските дипломатски објекти низ целиот свет. Тие се многу активни и претставуваат ризик за САД и нашите сојузници“, рекол за Си-Ен-Ен Алан Е. Кохлер, ФБИ агент задолжен за одделението за контраразузнавање на теренската канцеларија во Вашингтон.

„ФБИ користи различни средства за да собере информации кои можат да помогнат да се заштити САД“, додал тој.