Вечерва од 20:45 часот фудбалската репрезентација на Македонија ги започнува квалификациите за Европското првенство 2024, а противник ни е Малта.

Македонија е фаворит на хартија пред натпреварот, но како и што порача селекторот Милевски на вчерашната прес-конференција, таа улога ќе мораме да ја потврдиме со добра игра на теренот.

Низ историјата Македонија против Малта одиграла шест натпревари, а само два од нив биле квалификациски, останатите четири средби се контролни натпревари. Покрај актуелниот квалитет и традицијата вели дека вечерва треба да очекуваме победа, само еднаш фудбалерите на оваа земја останале непоразени против нас, Македонија има пет победи.

Гол-разлика е убедливо на наша страна со 15:2. Останува вечерва да се надеваме дека ќе ја продолжиме добрата низа.

1996: Македонија – Малта 1-0

1996: Малта – Македонија 0-2

1998: Македонија – Малта 4-0

1998: Малта – Македонија 1-2

2002: Македонија – Малта 5-0

2010: Малта – Македонија 1-1

Милевски пред натпреварот со Малта: Во денешниот фудбал не постојат фаворити

Ристовски: Ако отвориме со Малта на добар начин, ќе добиеме ветер во грбот за следните натпревари