Фатмир Бесими не планира државна функција
Фатмир Бесими, поранешниот министер за економија, актуелно е посветен на академската професија, конкретно работата на универзитет, а не планира да прифати државна функција. Контактиран од весникот Коха, Бесими вели дека негов приоритет, како и на општеството во целост, останува членството во НАТО и започнувањето на преговори со Европската унија.
– Актуелно, мојата главна преокупација во професионалниот живот е ангажманот во академската сфера, односно работата на универзитет, како и професионалната соработка со институциите и меѓународните организации. Инаку немам ниту еден ангажман во некоја јавна фунција или владина, и не планирам. Што се однесува до веста која е во врска со некоја јавна функција, само можам да кажам дека сметам дека во овој момент – приоритет на нашето општество е членството во НАТО и започнувањето преговори со Европска унија, кои треба да бидат проследени со адекватни реформи за засилување на кредибилитетот на институциите и зголемувањето на инвестициите, создавање на работни места и подобрување на благосостојбата на граѓаните, а не шпекулации во врска со кадровските прашања – вели Бесими.
Инаку, пред еден ден, весникот Коха известуваше дека во ДУИ не се откажале од именувањето на Бесими на функцијата гувернер на Народната банка на Северна Македонија, доколку Анита Ангеловска Бежоска биде именувана во министерството за финaнсии.