Фасцинантни бројки: Ѓоковиќ испишува нови страници во историјата на тенисот!
Со освојувањето на титулата во Синсинати (САД), Новак Ѓоковиќ докажа уште еднаш зошто и натаму е најдобар тенисер на светот. Српскиот ас на тој начин шампионски се загреа пред новиот уште поголем предизвик, грен слем турнирот „УС Опен“ кој ќе стартува за два дена.
После неверојатната победа против Роберто Баутиста-Агут, приреди уште еден спектакл со триумфот над Канаѓанецот Милош Раонич за нови историски бројки во тенискиот свет. Како што е веќе познато, во Синсинати Ѓоковиќ успеа да ја освои јубилејната 80 титула, пред него на „вечната листа“ се само Рафаел Надал (85) и Рожер Федерер (103).
Воедно се закити со 35 Мастерс трофеј, и се израмни со Шпанецот Надал на врвот. Потоа, Ноле стана единствениот тенисер на светот кој макар по двапати ги освојуваше сите турнири од Мастерс серијата.
Ја продолжи победничката серија започната уште пред пандемијата на коронавирус, има 23 победи по ред во 2020 година и не знае за пораз.
Веќе објавивме, нема премногу за славје и одмор, бидејќи веќе во понеделник првиот светски рекет го очекува нов меч, ривал во првото коло на УС Опен ќе му биде претставникот на Босна и Херцеговина, Дамир Џумхур. Ѓоковиќ ќе ја брка својата 18 грен слем титула во кариерата, моментно Надал има 19, а Швајцарецот Федерер 20.
Ѓоковиќ шампионски пред „УС Опен“, со пресврт до титулата во Синсинати! (ВИДЕО)