Фарук Бихорац е нов играч на ФК Академија Пандев

Бихорац ја освежува одбраната на „пандевци“/Фото:facebook.com/fkakademijapandev

Денеска фудбалскиот клуб Академија Пандев ја информираше јавноста дека нивни нов играч е Фарук Бихорац.

Централниот одбранбен играч кој доаѓа од Србија е најновото засилување за прволигашкиот клуб. Бихорац ја доби потребната документација и се стекна со право за настап на следниот натпревар против ФК Работнички.

Натпреварот меѓу Академија Пандев и Работнички ќе се одигра в недела со почеток во 20.00 часот.

25-годишниот дефанзивец досега настапуваше за Нови Пазар, Хајдук Кула, Железничар Лајковац, Јошаница, Кабел и Вележ Мостар.

Пред три дена „пандевци“ го промовираа и Гамбиецот Оусман Маронг кој игра на позициите офанзивен играч за врска и крилен напаѓач.

Видео на денот