Фантастичниот Ферстапен ја прекина доминацијата на Мерцедес – Слободен печат
ОстанатoСпорт

Фантастичниот Ферстапен ја прекина доминацијата на Мерцедес

Возачот на Ред Бул, Макс Верстапен триумфира на трката за Големата награда на Австрија.

Макс Ферстапен со фантастично возење успеа да триумфира на трката за Големата награда на Австрија која се возеше на патеката „Ред Бул ринг“. Возачот на Ред Бул до победата дојде откако на три круга до крајот, во битката за првото место, прво го престигна, а потоа и го истурка Шарл Леклер од Ферари од патеката.

Возачот на Ферари,  водеше во текот на целата трката, стартуваше од пол позицијата и се до 68. круг ја имаше победата в џеб, но поради инцидентот и двајцата возачи се под истрага на стјуардите на трката.  На третото место се најде возачот на Мерцедес, Валтери Ботас.

Токму инцидентот по кој беше одлучен победникот ја одбележа трката која изболилуваше со многу претекнувања и конечно во деветтата трка сезонава беше прекината доминацијата на возачите на Мерцедес, Хамилтон и Ботас кои славеа на претходните осум трки.

Макс Ферстапен трката ја започна од второто место, но по слабиот старт падна на шестата позиција но како одминуваше времето тој имаше сè подобар ритам. Успеа да ги претекне сите фаворити, прво Хамилтон, па Фетелод Ферари, потоа следеше Ботас и на три круга до крајот ги помина и Леклер.

Себастијан Фетел конечно успеа да добие еден возачки дуел со Хамилтон, успеа во финишот да го помине актуелниот шампион и да дојде до четвртото место. Од шестата до 10. Позиција се пласираа Ландо Норис од Мекларен, Пјер Гасли од Ред Бул, Карлос Саинц од Мекларен и возачите на Алфа Ромео, Кими Раиконен и Антонио Џовинаци.

Лидер во генералниот пласман останува Луис Хамилтон со 197 бодови, а го следат клупскиот колега Валтери Ботас со 166 и славеникот од „Ред Бул ринг“, Макс Ферстапен со 126 бодови. Наредната трка ќе се вози на 14 јули кога на програмата е трката за Големата награда на Британија на патеката Силверстон.

 

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close