„Фајзер“ ја пријави вакцината против ковид-19 за одобрување во Европа
Фармацевтскиот гигант „Фајзер“ ја пријави вакцината која ја произведоа во соработка со „Бионтек“ за одобрување од Европската медицинска агенција, јавува германската агенција дпа.
Како што соопштија од „Фајзер“, желбата им е вакцината да биде достапна во Европа до крајот на годината.
„Фајзер“ и „Бионтек“ изјавија дека добиле потврда за апликацијата откако вчера побараа одобрение од ЕМА.
Ова го става „Фајзер“ заедно со фармацевтската компанија „Модерна“, која вчера исто така побара одобрение од EMA за својата вакцина против ковид-19.
Во клиничките испитувања, како што тврдеа од „Фајзер“, се покажало дека нивната вакцина има ефикасност од 95%.
„Фајзер“ и „Модерна“ уште претходно ја пријавија својата вакцина за итно одобрување од америкаснакта регулаторна комисија.
Извор: Индекс.хр