Фабрици: Регионот не теба да се разочарува по одлуката на ЕК за Македонија
Во полемиката во Србија по француското вето за отварањето пристапни преговори со Северна Македонија и Албанија, се огласи и шефот на Делегацијата на ЕУ во Белград Сем Фабрици.
Фабрици порача дека регионот не треба да се препушти на разочарување, „по одлуката за жал да не се отворат преговорите со Северна Македонија и Албанија и дека ЕУ ќе остане со Србија и партнерите во Западен Балкан”.
Фабрици рече дека го дели разочарувањето и фрустрацијата на луѓето во регионот поради одложувањето на почетокот на преговорите со Македонија и Албанија.
Рече дека Северна Македонија спроведе импресивни реформи на внатрешниот систем и постигна историскиот договор со Грција преку Преспанскиот договор, додавајќи дека и Албанија спровела реформи, особено во правосудството.
– Не дозволувајте да се изгуби фокусот, ЕУ е посветена на Западениот Балкан, кој е клучен за нас. ЕУ е најголем донатор, инвеститор и трговински партнер на целиот регион – оцени Фабрици.