ФА куп: Арсенал во финалето, Обамејанг блескаше на „Вембли“! (ВИДЕО)
„Топчиите“ се првите финалисти во ФА купот откако вечерва на „Вембли“ стадионот со 2:0 беа подобри од Манчестер сити.
Најзаслужен за победата на Арсенал беше интернационалецот од Габон, Пјер-Емерик Обамејанг кој двапати се запиша во листата на стрелците.
Во 19 минута Пепе убаво го пронајде својот соиграч кој успеа да го матира Едерсон, а во 71 минута по додавањето на Тирни, Обамејанг во полуконтра им избега на противничките дефанзивци и го постави конечниот епилог.
Арсенал кој е најтрофеен во ова натпреварување со 13 трофеи, после три години е повторно во завршната битка за титулата.
В недела (19 јули) е второто полуфинале на истиот терен од 19.00 часот силите ќе ги одмерат екипите на Манчестер јунајтед и Челси. Големото финале на „Вембли“ во Лондон е закажано за 1 август 2020 година.