Ф1: Верстапен најдобар на трката во Бразил (ВИДЕО)
Возачот на „Ред Бул“ триумфираше на денешната Голема награда на патеката „Интерлагос“ и ја забележа третата победа во Формула 1 оваа сезона.
Макс Верстапен беше најдобар на трката во Сао Паоло (Бразил) кој ја потврди доминацијата од саботните квалификации кога ја обезбеди пол-позицијата. Тоа беше претпоследниот старт на сезоната пред трката во Абу Даби.
Второпласиран заврши членот на „Торо Росо“, Пјер Гасли (за првпат на подиумот), додека третата позиција ја освои светскиот Ф1 шампион, Луис Хамилтон на „Мерцедес“.
The moment the race turned on its head ?#BrazilGP ?? #F1 pic.twitter.com/Y77NrJMJ0g
— Formula 1 (@F1) November 17, 2019
Британецот кој претходно имаше инцидент со Алекс Албон би можел да биде казнет со додавање на пет секунди, откако после трката призна дека тој погрешил, па двајцата пилоти се под истрага.
Доколку возачот на Мерцедес биде казнет, на подиумот ќе се најде Карлос Сајнц кој трката ја започна како последен.
.@Max33Verstappen wins an incredible Brazilian Grand Prix!
…and @PierreGASLY takes his first F1 podium! ?#BrazilGP ?? #F1 pic.twitter.com/XYzmsgnTEx
— Formula 1 (@F1) November 17, 2019
На петтото место заврши Кими Раиконен, следуваат Антонио Џовинаци, Даниел Рикардо, Ландо Норис, Серхио Перез, Данил Квјат.
Возачите на „Ферари“ немаа среќа, односно Шарл Леклер и Себастијан Фетел испаднаа после еден меѓусебен судир.
Последната трка ќе се вози на 1. декември на патеката „Јас Марина“ во Абу Даби (Обединети Арапски Емирати).
