Ф1: Мерцедес доминира, Ботас до пол позиција во Бахреин
В недела ќе гледаме и втора трка од Формула 1 шампионатот сезонава во Бахреин, во саботните квалификации најбрз беше Валтери Ботас.
„Мерцедес“ повторно доминираше, а на втората позиција со 26 илјадитинки заостанување зад Финецот се најде Џорџ Расел.
Расел инаку вози за „Вилијамс“, но бидејќи светскиот Ф1 шампион Луис Хамилтон е позитивен на ковид-19, викендов е во болидот на „Мерцедес“.
Од третото место ќе стартува Макс Ферстапен во „Ред Бул“, а од четвртата позиција пилотот на „Ферари“, Шарл Леклер. Редоследно од петтото до 10 место се наоѓаат Перез, Квјат, Рикардо, Саинз, Гасли и Строл.
Трката за Големата награда на Бахреин е на програмата в недела од 18.10 часот.
Almost nothing in it at the top ?#SakhirGP ?? #F1 pic.twitter.com/hdAkmvxvms
— Formula 1 (@F1) December 5, 2020