Возачот на „Мерцедес“, Луис Хамилтон ќе стартува од најдоброто место в недела на трката за Големата награда на Русија во рамките од Формула 1 шампионатот.

За Британецот ова е вкупно 10 пол позиција во 2020 година (вкупно 96 во кариерата), а зад себе на саботните квалификации во Сочи го остави Макс Ферстапен од „Ред Бул“, односно колегата Валтери Ботас кој имаше трето време.

Almost knocked out in Q2 ?
Back to his best in Q3 ?@LewisHamilton took his 96th pole position in Sochi, with @Max33Verstappen putting his Red Bull alongside on the front row#RussianGP ?? #F1 pic.twitter.com/6D6vAXzW97

— Formula 1 (@F1) September 26, 2020

На четвртото место е Серхио Перез, а редоследно од петтата до 10 позиција се наоѓаат Даниел Рикардо, Карлос Сајнц, Естебан Окон, Ландо Норис, Пјер Гасли и Александер Албон.

„Мерцедес“ славеше на сите трки во Сочи од 2014 година, Хамилтон триумфираше четирипати.

Доколку тоа го направи и утре, ќе биде тоа негова 91 победа во кариерата и би се израмнил со рекордот на легендарниот германски Ф1 возач, Михаел Шумахер.

Хамилтон в недела се израмнува со рекордот на Шумахер!?