Езра Милер оди на лекување: Извинете за сè
Актерот Езра Милер јавно се извини за своето повеќе од непримерно однесување кое ги полнеше медиумските страници во последните две години и призна дека почнал да се лекува од „сложени психички проблеми“.
Во изјавата дадена од неговиот медиумски претставник за „Variety“ во вторникот, 29-годишниот небинарен актер се извини за сè што направил.
„Неодамна поминав низ време на интензивна криза, сега разбирам дека имам сложени проблеми со менталното здравје и почнав да се лекувам“, рече Милер. „Сакам да му се извинам на секој што сум го вознемирил поради моето минато однесување. Посветен сум да направам сè што е потребно за да се вратам во здрава, безбедна и продуктивна фаза во мојот живот“, се додава во соопштението.
Тековната улога на Милер како „The Flash“ во универзумот на суперхерои на „DC Comics“, вклучително и
претстојната главна улога во првиот самостоен филм на овој лик, беше засенето од наводите за неговото
однесување во приватниот живот во последните две години.
Неодамна, Милер беше обвинет за кражба во Вермонт минатата недела, откако државната полиција го
истражуваше инцидентот во кој, наводно, биле земени неколку шишиња алкохол од дом во Стемфорд во мај. Милер треба да се појави пред Врховниот суд на Вермонт на 26 септември.
Актерот исто така беше уапсен двапати претходно оваа година на Хаваите, прво за непристојно однесување и малтретирање во караоке бар во март, а потоа за напад од втор степен помалку од еден месец подоцна. Во првиот случај, Милер не се изјасни ниту по една точка за непристојното однесување и плати казна од 500 долари, додека обвинението за вознемирување беше отфрлено. Во другиот случај, Милер беше ослободен без обвинение.