Бројот на смртни случаи од коронавирусот во Италија се зголеми за 262, тој изнесува 31.368, објави денеска италијанската Агенција за цивилна заштита.

Тоа е пораст споредбено со вчерашниот ден, кога бројот на починати беше 195 и најголем број смртни случаи во еден ден од 7 мај, објави „Ројтерс“.

Италија е трета во светот по бројот на смртни случаи од коронавирусот по САД и Велика Британија.

Во исто време, бројот на новозаразени се зголеми за 992, што е повеќе од претходниот ден кога изнесуваше 888.

Вкупниот број заразени во Италија изнесува 223.096, што е петти најголем број во светот, по САД, Шпанија, Велика Британија и Русија.

Во одделенијата за интензивна нега се лекуваат 855 лица, што е помалку од вчерашниот број кога имало 893.

Од коронавирусот во Италија се излекувани 115.222 лица, а 1.820 милиони се тестирани за присуство на вирусот.