Европските пристаништа добија наредба итно да ги примаат сите бродови со мигранти

Агенцијата за бегалци при ОН (УНХЦР) ги повика денеска европските влади итно да дозволат влез за повеќе од 500 лица, спасени на Медитеранот, чии спасувачки бродови останаа блокирани на море поради одбивањето на европските земји да ги прифатат во некое од своите пристаништа.

Специјалниот пратеник на УНХЦР Винсент Кошетел денеска изјави дека ова е „трка со времето“, појаснувајќи дека доаѓаат бури и временските услови само ќе се влошуваат.

УНХЦР тврди дека речиси 600 луѓе загинале или исчезнале во водите меѓу Италија и Либија оваа година.

Повеќе од 500 спасени мигранти на Медитеранот се наоѓаат на два брода на невладини организации, додека Италија и Малта и натаму одбиваат да ги примат во некое свое пристаниште.

Француската хуманитарна група „Лекари без граници“ во неделата вечер соопшти дека го довршила „критичното спасување“ на уште 105 луѓе, со што бројот на мигранти на бродот Оушн Викинг се искачи на 356.

Уште 150 мигранти се на бродот на шпанската хуманитарна група Проактива Опен Армс.

Италијанскиот министер за внатрешни работи Матео Салвини денеска повтори дека не планира да овозможи на бродовите со мигранти да влезат во италијанските пристаништа.

И Шпанија денеска го одби барањето да прими 31 малолетен мигрант од бродот Опен Арамс.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот