Европскиот парламент ги одобри дигиталните потврди за вакцинанија
Европскиот парламент на седницата во Стразбург, синоќа ја одобри одлуката за донесувањето на дигитални зелени потврди за вакцинираното население.
Со овие дигитални потврди ќе се знае дали луѓето се вакцинирани, имаат негативен тест или веќе го имаат прележано вирусот, со што ќе се олеснат патувањата меѓу државите во Унијата.
Целта на земјите членки е да се олабават мерките за патување во државите, да се укине карантинот, да не се прават тестови и укинување на сите други рестрикции.
Зелените потврди ќе се употребуваат 12 месеци, и ќе покажуваат дали човекот има прележано Ковид-19, дали е вакциниран и дали има негативен тест во последните 72 часа. Тие ќе бидат бесплатни за населението, а ќе се достапни во електронска форма или со код за скенирање.