Европската воздухопловна индустрија бара итна поддршка од ЕУ поради пандемијата со коронавирусот
Важноста на авиоиндустријата за Европа е поткрепена и со податоците за повеќе од 12 милиони работни местта во таа индустрија и со над 800 милијарди евра вкупен придонес во европските економски активности.
Во заедничка изјава или апел поради „невидената криза со ликвидноста”, Европската воздухопловна индустрија ги повика институциите и членките на ЕУ да обезбедат итна, подобра и покоординирана поддршка за таа индустрија, која целосно запре и се бори да преживее поради пандемијата на Ковид-19.
Тие, исто така, предупредуваат дека авијацијата е стратешки важен сектор, кој најмногу придонесува за целокупната европска економија и вработување, а сега Европејците веќе не се во можност да патуваат поради кризата со коронавирусот, а аеродромите низ цела Европа не се оперативни.
Важноста на авиоиндустријата за Европа е поткрепена и со податоците за повеќе од 12 милиони работни местта во таа индустрија и со над 800 милијарди евра вкупен придонес во европските економски активности. Тоа изнесува и 3,3 отсто од вкупната вработеност и 4,1 процент од вкупниот БДП во европските земји.
Поради се тоа потписниците на апелот сметаат дека се потребни посилни проактивни мерки и акции за поддршка на индустријата и помош за нејзино натамошно заздравување. Тие ги поздравуваат досегашните иницијативи на Европската комисија за итна помош во целните области на животот и бизнисот.
