Европската комисија предложи Северна Македонија да ги започне преговорите со ЕУ
Денеска евро-комесарот за проширување, Јоханес Хан, го претстави извештајот на Европската Комисија за Западен Балкан.
Во овој извештај, Северна Македонија и Албанија добија безусловна препорака за отпочнување на преговори.
Сега на ред е Советот на Европа да ја одобри препораката и да даде датум на Македонија да ги отпочне преговорите.
Хан потенцираше дека е постигнат напредок, но и дека престојат големи предизвици и денешниот извештај претставува и упатству за тоа како државите да постапуваат понатаму.
– Северна Македонија, не само што продолжи со амбициозните реформи, туку и договорот што го склучи со Грција, договорот со Бугарија е светол пример за зацврстување на регионалната соработка – изјави евро-комесарот.
Тој изјави дека Европската Комисија предлага Советот на Европа да ги започне преговорите со Албанија и Северна Македонија за да може Европската Унија да биде кредиилитетна и да одговриме на реформите што овие држави ги имаат направено.
Европарламентарецот Едвард Кукан, по излагање на Хан, изјави дека Европската Унија треба да превземе подраматични чекори во Западен Балкан.
– Треба да направеме преглед на инструментите кои ги имаме на располагање за да можеме да извршиме позтивен притисок врз партнерите од Западен Балкан – изјави Кукан.
Според него, доколку ЕУ не го направи тоа, интегритетот и авторитето на унијата ќе се лизне.
Известувачот за Северна Македонија во Европскиот Парламенто, Иво Вајгал, потенцираше дека доколку се сака стабилна Европа, потребни се стабилни, цврсти и демократски држави во Западен Балкан.
– Би сакал да нагласам дека не е само за принципите засновани врз заслуги, туку исто врз ветувањата. Ние се залагаме и ветувавме на народот и политичарите од Македонија дека доколку го испорачаат тоа што го очекуваме, односно доколку ги отворат своите политики, доколку можат да постигнат таков компромис, како што е Договорт со Грција, тогаш треба да бидат наградени а посветеноста треба да се почитува – изјави Вајгл.
Тој на крај потенцираше дека доколку не ги започне преговорите ЕУ со нашата земја, Унијата ќе го изгуби кредибилитетот во регионот.