Европската Комисија ја измени регулативата за извоз на вакцини во трети земји, доведена е во прашање испораката на вакцините на „Фајзер“
Европската Комисија ја измени регулативата за извоз на вакцини во трети земји. Министерот за здравство д-р Венко Филипче, во гостување во вестите на Телма, говореше за новата регулатива на ЕК која денеска ја објави претседателката на ЕК Урсула фон дер Лајен, со што ќе профункционира солидарниот фонд на Унијата, од каде вакцини треба да добие и нашата земја.
Сега за да се подобри механизмот за респределба на вакцини, ЕУ воведува нова регулатива, која опфаќа две промени во постоечкиот механизам. Првата промена значи реципроцитет односно ќе се следи дали државата која ги произведува вакцините, го ограничува сопствениот извоз на вакцини или нивни суровини. Втората воведена измена во посточекиот механизам се однесува на пропорционалност, што значи дека ЕУ се залага за пропорционална распределба на вакцините, а тоа ќе се утврдува според тоа дали условите што преовладуваат во земјата се подобри или полоши од оние на ЕУ, особено епидемиолошката состојба, стапката на вакцинација и пристапот до вакцините.