Европската агенција за лекови против прерано одобрување на руската вакцина
Високата функционерка на ЕМА, Криста Виртумер Хохе, изјави за австриската телевизија ОРФ дека агенцијата почнала да ги добива податоците од рускиот произведувач кои ќе бидат прегледани според европските стандарди за квалитет, безбедност и ефикасност, пренесува бриселски Еуроактив.
„Потребни ни се документите за да можеме да ги прегледаме. Исто така во овој момент немаме податоци за вакцинираните луѓе. Тоа е непознато. Поради тоа советувам против давање национална дозвола за итна употреба“, кажа Виртумер Хохе.
„Ќе можеме да ја имаме Спутник V на пазарот кога соодветните податоци ќе бидат разгледани. ЕМА веќе ја почна проценката“, кажа таа.
Спутник V е веќе одобрен или е во фаза на проценка за добивање дозвола во три членки на ЕУ – Унгарија, Словачка и Чешка, а функционерите на ЕУ кажаа дека Брисел ќе почне преговори со произведувачот на таа вакцина ако тоа го побараат најмалку четири држави.
Унгарија е единствената членка на ЕУ каде се даваат руската и кинеската вакцина.
Почитуван читателу,
Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.ПОДДРЖЕТЕ ГО СЛОБОДЕН ПЕЧАТ. СО ПОЧЕТНА СУМА ОД 60 ДЕНАРИ
Видео на денот