Европска поддршка за македонскиот филм – професионално усовршување на младите и афирмираните филмски работници

МЕДИА е програма на Европската Унија, која финансиски го поддржува европскиот филм и аудиовизуелните индустрии во развој, дистрибуција и промоција на делата.

МЕДИА овозможува поддршка на европските филмски работници за развој на нови филмски проекти, наоѓање на партнери и ко-продукции со цел да се прошири маркетот надвор од националните и европските граници.

Со оваа потпрограма се опфатени и кофинансирањето на работилници за професионално усовршување на младите и афирмираните филмски работници, како и новите технологии и платформи за дистрибуција на аудиовизуелни содржини.

–Програмата мора да тече. На пример Фестивалот на Документарен филм во Копенхаген целосно изданието го префрли он-лајн. Програмата во Македонија е од 2016 година. Последната 2019 е најуспешна за нас. Програмата „Креативна Европа – медиа“ поддржа три македонски проекти/компании во три различни повици. На повикот за филмски фестивали петти пат по ред фестивалот на документарен креативен филм „Македокс“ доби поддршка од 27.000 евра, додека на повикот за развој на проект, поддршка од 30.000 евра доби македонскиот филм во развој „Најсреќниот човек на светот“, во продукција на „Сестри и брат Митевски“, а во режија на Теона Стругар Митевска. На повикот за автоматска дистрибуција, компанијата за продукција и дистрибуција „Катавеј“ доби поддршка од 8.531 евро, изјави за „Утрински брифинг“ на „Слободна ТВ“, Бистра Георгиева која е раководителка на „Медиа деск мк“.

Инаку, по покана од Филозофскиот филмски фестивал, на 27 мај, Георгиева ќе учествува на вебинар на тема „Ковид-19 и состојбите во македонскиот филмски сектор“, каде што меѓу другото ќе се разговара за тоа како домашните и европските институции одговорија на ковид-кризата, какви се „новата нормала“ и реосмислувањето на филмската индустрија и како сакаме да го замислиме филмскиот сектор во иднина.

 

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот