Европратеничка ќе предава на факултетот за безбедност во Скопје
Европската пратеничка Ирена Јовева од Словенија денеска на Факултетот за безбедност – Скопје ќе одржи предавање на тема „Проширувањето на ЕУ и земјите од Западен Балкан пред нови предизвици”.
Од Факултетот за безбедност соопштија дека Јовева ќе има средба со проректорот на Универзитетот „Св.Климент Охрдиски„ проф.д-р Марјан Ѓуровски и деканот на Факултетот за безбедност-Скопје проф. д-р Никола Дујовски.
– Се очекува на средбата меѓу другото да стане збор за студиската програма „Безбедност и евроатлански интеграции” и можноста преку програмата да се обезбеди одредена мобилност, волонтирање за време на студирањето на студентите и посета на европските институции во иднина, како и развивање на идна академска соработка со институции од Република Словенија и други од Европската Унија- информираа од Факултетот.