Европа гори: Во Франција измерена највисоката температура во историјата!
Голем топлотен бран во последните неколку денови ја зафати западна Европа, а денеска во еден француски град била измерена температура од 45,1 степени Целзиусови, со што е срушен рекордот од 2003 година, кога биле измерени 44,1 степени Целзиусови во оваа земја, пренесува „Би-Би-Си“.
Париските медиуми пренесуваат дека рекордот за највисока температура бил измерен уште вчера, кога таа изнесувала 44,3 степени Целзиусови, а веќе денеска е поставен нов рекорд.
Во оваа држава поради рекордните температури веќе три лица ги загубија животите.
Покрај Франција, државите како Германија, Полска и Челшка исто така бележат рекордни температури за месец јуни.
Во Шпанија пожарникарите се борат со најголемите пожари во последните 20 години, а во осум тамошни провинции е вклучен црвен аларм, каде се очекуваат температури повисоки од 42 степени.
Во Италија исто така е издадено предупредување за високи температури во 16 градови.