Евролига: Панатинаикос славеше во дербито над ЦСКА Москва (ВИДЕО)
Русите на овој натпревар во Калининград правеа грешки во клучните моменти, а Грците казнуваа и триумфираа предводени од фантастичниот Калатес.
Во натпревар од 17. коло од кошаркарската Евролига кој се играше во Калининград, играчите на Панатинаикос вечерва ја совладаа ЦСКА Москва со резултат 106:102.
Ова беше еден од најдобрите евролигашки натпревари досега оваа сезона, победникот го дознавме после едно одиграно продолжение, а таму посреќен и подобар беше грчкиот претставник.
Во додатните пет минути Русите правеа грешки, не реализираа слободни идари, а тоа го казнија нивните ривали кои триумфираа на крајот предводени од фантастичниот Калатес кој постигна 22 поени и запиша дури 17 асистенции.
На спротивната страна во поразените редови како прв стрелец се истакна Хакет со 24 поени, 10 помалку имаше Хајнс.
Анадолу Ефес најмногу благодарение на Ларкин и Плајс кои имаа по 20 поени дојде до победа на домашен терен против Химки.