15 C
Скопје

Евролига: Олимпија Милано и Барселона последни учесници на Ф4

Екипите на Олимпија Милано и Барселона им се приклучија на Анадолу Ефес и на ЦСКА Москва во завршната битка за титулата во кошаркарската Евролига.
ЦСКА Москва работата ја заврши во три меча, додека останатите три екипи мораа да играат мајсторка, а последни кои обезбедија пласман на Ф4 турнирот кој ќе се игра во Келн, обезбедија Милано и Барселона.

Милано со 92:89 го совлада Баерн Минхен кој пак доцна „се разбуди“ и немаше време да направи комплетен пресврт. Милано на стартот од последната четвртина имаше дури 16 поени предност и кога сите помислија дека работата е завршена, кошаркарите на Баерн заиграа фантастично, погоди неколку тројки и внесе максинална неизвесност во завршницата. Баварците ги искористија грешките на Шевон Шилд и на десет секунди до крајот дојде до минус два (91:89). Сепак, Шилд погоди едно слободно фрлање по што Ципсер не беше прецизен за три поени по што Милано по пауза од 29 години, повторно ќе игра на фајнал-фор турнирот.
Шилдс беше најпрецизен со 34 поени, а Малколм Дилејни даде 16 поени, додека кај Баерн Минхен се истакнаа Џален Рејнолд со 19 поени и 10 скокови и Вејн Болдвин кој даде 17 поени.


Најлесно во мајсторката помина Барселона која 79:53 го декласира Зенит и со 3:2 во победи обезбеди Ф4. Натпреварот беше сосема поинаков од претходниот кога доминараше рускиот тим. Овој пат, Барселона доминараше во сите сегменти од играта и тоа од првата минута. Уште по првата четвртина (23:14) беше јасно кој ќе игра на завршниот турнир, а предноста постојано се зголемуваше за на крајот да биде дури 26 поени (79:53).
Ветеранот По Гасол беше одличен во одбраната, додека во нападот се истакнаа Кори Хигинс со 15 поени и Ник Калатес со 12 поени.

Во полуфиналето на завршниот турнир кој на 29 и 30 мај ќе се игра во Келн ќе играат Милано и Барселона како и ЦСКА Москва – Анадолу Ефес.

Поврзани вести

Тухел: Заслуживме да победиме и да играме во финалето

Слободен печат

По осми пат екипи од иста држава ќе играат во финалето на ЛШ

Слободен печат

ВИДЕО: Англиско финале во ЛШ, Челси си закажа дуел за трофејот со Манчестер сити

Слободен печат

Финалето во ЛШ ќе се игра пред 25.000 гледачи?

Слободен печат

УЕФА подготвува казни за одметниците:  Две години без ЛШ за екипите кои нема да ја напуштат Суперлигата

Слободен печат

Солскјер ја смирува тензијата: Сопствениците лично ми се извинија

Слободен печат

Остави Коментар