Кошаркарите на Анадолу Ефес се пласираа на завршниот турнир во Евролигата откако вечерва во одлучувачкиот петти натпревар од четвртфиналната серија со 88:83 го совладаа Реал Мадрид.
Турскиот тим првите два натпревари во серијата релативно лесно ги доби и се изгледаше дека лесно ќе излезе на крај со Реал Мадрид, „кралскиот клуб“ славеше на наредните два натпревари кои ги играше на домашен терен и се избори за мајсторка.
Мајсторката беше одлучена во последните моменти од натпреварот и тоа благодарение на Симон и Синглтон.

Реал Мадрид подобро го отвори натпреварот и во текот на првото полувреме имаше водство, но Анадолу Ефес возврати на стартот од третата четвртина кога направи серија од 16:1 со која дојде до предност од 57:45.

.@AnadoluEfesSK is heading to #F4GLORY, see you in Cologne! #RISETOGLORY pic.twitter.com/D5TnBBJUe1

— Turkish Airlines EuroLeague (@EuroLeague) May 4, 2021

Сепак „кралевите“ успеаја да се вратат во игра и да дојдат минус три (60:57) и во последната четвртина да внесат максимална неизвесност. Имено, во последната минута од натпреварот резултатот беше 80:80. Тогаш на 39 секунди до крајот, Крунослав Симон погоди тројка за водство на Ефес, а на другата страна Серхио Љуљ не успеа да врати со иста мерка, по што на 14 секунди до крајот Синглтон успеа да изнуди прекршок од играчите на Реал. Американецот ги реализира двете слободни фрлања и практично го однесе Ефес на завршниот турнир.
токму Синглтон со 26 поени и осум скокови беше најдобар во редовите на Ефес каде се истакнаа и Мициќ со 18 и Симон со 17 поени, додека кај Реал, Лапровитола даде 17 поени.