Евролига: Црвена Звезда со лекција за Фенербахче
Кошаркарите на Црвена Звезда славеа вечерва во рамките од второто коло од Евролигата против турската екипа на Фенербахче со резултат 68:56.
Белграѓани до овој триумф дојдоа благодарение на фантастичната тимска одбрана која ја играа од почетокот до крајот на овој меч.
Конечните 56 поени на Фенер доста говори околу тоа како тимот на Милан Томиќ вечерва играше о одбраната, а турските кошаркари од почетокот до крајот не можеа да фатат ритам, особено во нападот.
Во тимот на „црвено-белите“ изненади настапот на Мухамад Фаје кој ги погоди клучните поени и имаше важни скокови покрај одлична одбрана над високите играчи на Фенер.
Лоренцо Браун беше најдобар стрелец на домаќините со 13 поени, додека по 11 реализираа Перпероглу и Гист.
Нандо Де Коло со 19 поени беше далеку најдобар играч на Фенер, додека Али додаде 13. Останатите кошаркари на Жељко Обрадовиќ беа далеку под своите очекувања.