Кошаркарите на Барселона победија на гостувањето кај Алба во Берлин со конечен резултат 67:103 во седмото коло од Евролигата. Каталонците одиграа одличен натпревар и веќе после првото полувреме го решија прашањето на победникот.

Екипата на Шарунас Јасикевичиус забележа дури 56 поени заедно полувреме и имаше „плус 20“ на паузата, а во вториот дел Барса целосно го декласираше домаќинот.

Најефикасен во победничкиот состав беше Никола Миротиќ со 18 поени, а го следеа Абринес со 17, Шмитс (13), Ориола додаде 12, додека Хигинс дуелот го заврши со 11 поени.

Во редовите на германскиот претставник најдобро се истакна Симоне Фонтекио со 17 поени, Ламерс постигна 12, а Сикма 10.

Денеска се одиграа уште три средби Зенит Петерсбург-Олимпијакос 66:75, Анадолу Ефес-Макаби Тел Авив 91:89 и Баскониа-Лион 86:88. На табелата моментно води Барселона (6-1), пред Жалгирис Каунас (5-1), Баерн (4-2), Олимпијакос (4-3)..