Евролига: Антиќ во тимот на деценијата на Олимпијакос! (ВИДЕО)
Евролигата во комуникација со кошаркарските фанови објавува идеални постави од последните 10 години, на екипите кои што играат во ова натпреварување.
Еден од тие клубови е грчкиот гигант Олимпијакос во чии редови своевремено настапуваше поранешниот македонски репрезентативец Перо Антиќ.
The FULL @olympiacosbc 'All-Decade' Team ?#EUROLEAGUEUNITED pic.twitter.com/2LxSF9Njon
— Turkish Airlines EuroLeague (@EuroLeague) August 12, 2020
Токму сегашниот претседател на нашата кошаркарска федерација се најде во тимот на деценијата на Олимпијакос.
Со овој тим успеа двапати да ја освои титулата во Евролигата во 2012 и 2013 година, а воедно се закити со титулата национален шампион на Грција во сезоната 2011/12.
Покрај Антиќ, во изборот се наоѓаат уште Георгиос Принтезис, Василис Спанулис, Кајл Хајнс, Костас Папаниколау, Костас Слукас, Никола Милутинов, Ејси Ло, Теодорос Папалукас и Милош Теодосиќ.