Кошаркарите на Анадолу Ефес остварија убедлив триумф од 90:63 над Реал Мадрид во првиот четвртфинален натпревар во Евролигата.
Најзаслужен за убедливата победа на турскиот тим е Родриг Бобуа со 19 поени, голем допринос во триумфот дадоа и Санли со 16 и Шејн Ларкин со 14 поени.

„Кралевите“ одлично го започнаа натпреварот и поведоа со 0:8 по што домаќинот возврати со мини серија од пет поени. До целосен пресврт, Ефес дојде во седмата минута кога со тројката на Симон дојдоа до водство кое не го испуштија до крајот на средбата. Одлучувачка за убедливата победа на Анадолу Ефес беше третата четвртина која ја завршија со предност од 14 поени (64:50). Во последната четвртина предноста на турскиот тим се зголемуваше и на крајот изнесување дури 27 поени (90:63).
Вториот натпревар во серијата која се игра на три победи ќе се игра во четврток, исто така во Истанбул.