Во кошаркарскиот Еврокуп се одиграа осминафиналните натпревари во кои екипата на Валенсија со резултат 98:80 го елиминираше германскиот Хамбург тауерс.

На тој меч за шпанскиот клуб македонскиот репрезентативец Ненад Димитријевиќ помина нешто повеќе од 10 минути на паркетот и запиша две асистенции.

Во другите осминафинални мечеви: Хувентуд – Ратиофарм Улм 73:79, Виртус С. Болоња – Лиеткабелис 75:67, Метрополитан 92 – Умана Р. Венеција 87:66, Гран Канарија – Сласк Вроцлав 87:60, МораБанк Андора – Будуќност ВОЛИ 74:64, Цедевита Олимпија – Турк Телеком 93:80 и Партизан – Ф.Е. Бурсаспор 95:103.

Противник на Валенсија и Димитријевиќ во четвртфиналната фаза ќе биде Метрополитан 92 од Франција, дуел кој ќе се игра на 27 април. Истиот ден Цедевита Олимпија на домашен терен ќе го пречека Ф. Е. Бурсаспор.

Еден ден порано, на 26 април, Виртус С. Болоња ќе игра против Ратиофарм Улм, додека Гран Канарија се соочува со МораБанк Андора.