Евреите од денеска можат да го посетат Ридот на храмовите додека трае примирјето во Газа

Ал Акса (арапски: المسجد الاقصى, Al-Masjid Al-Aqsa) е џамија која се наоѓа во Ерусалим. Оваа џамија е една од најпознатите муслимански светилишта / Фото: EPA-EFE/ATEF SAFAD

Ридот на храмовите во стариот град во Ерусалим денеска повторно е отворен за еврејски посетители, неколку дена откако стапи во сила примирјето меѓу Израел и палестинските милитанти во Газа.

Израелската полиција придружуваше околу 50 еврејски посетители до светото место во Ерусалим, каде полициските акции во последните неколку недели предизвикаа протести и насилство што предизвика војна во Газа, соопшти исламската администрација која ја надгледува локацијата.

Вакуфот соопшти дека полицијата ги исфрлила младите Палестинци од комплексот на џамијата Ал-Акса и забранила влез на муслимани помлади од 45 години. Уапсени биле тројца муслимани, вклучувајќи и еден стражар.

Муслиманите кои влегле морале да остават лични карти кај полицијата на влезот.

Портпаролот на израелската полиција, Мики Розенфелд, рече дека објектот е отворен за редовни посети и оти полицијата ја обезбедува областа за да спречи инциденти, без дополнително објаснување.

Израелската полиција по молитвата во петокот накратко се судри со палестинските демонстранти, што беше првиот тест за примирјето што стапи во сила неколку часа претходно.

Џамијата Ал-Акса е третото најсвето место во исламот.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот