Шпанија е земја со најмногу вакцинирано население во Европа, а како две најголеми причини се наведуваат големата доверба која ја имаат жителите во вакцините, како и силните семејни односи, кои ги поттикнуваат граѓаните да се вакцинираат, како би ги заштитиле нивните најблиски, пренесува Франс 24.

Повеќе од 61% од 47 милиони жители на Шпанија ги примиле двете дози на вакцина, што претставува најголема бројка меѓу членките на ЕУ. Франција е втора со 56%, а Германија е трета со 55,2 %. 

„Во Шпанија луѓето веруваат во вакцината, посебно во вакцинирањето на децата, традиционално повеќе него другите земји“ изјави Жосеп Лобера, професор по социологија на Универзитетот во Мадрид. 

Шпанија немаше потреба од донесување на строги мерки за вакцинирање, ниту кај професорите ниту кај други работници, бидејќи „практично сите доброволно се вакцинираат“ изјави министерката на образование Пилар Алегрија.