Парче хартија кое содржело закана за подметната бомба е пронајдено во воз на околу 60 километри североисточно од Осло, објави денеска норвешката полиција.

Возот е запрен на станицата во Еидсвол и сите патници се евакуирани. По полицискиот претрес на возот утврдено е дека не е пронајден доказ за присутност на било каква опасност.

Слична закана се случи и ден претходно на лет на авион на Рајанер од Лондон кон норвешката престолнина.

Стравот го поттикна порака која посадата ја пронајде во текот на летот. Авионот слета безбедно, а уапсен е 51-годишен Британец за кого постоело сомнение дека стои зад заканата. Уапсениот подоцна е пуштен.