Во декември 2022 година, цената на храната во Хрватска, според усогласениот индекс на потрошувачки цени, е повисока за 19,7 отсто во однос на декември 2021 година. Ова е повисоко поскапување отколку во Италија, малку повисоко од просекот на ЕУ и Словенија и на ниво на Германија. Во Словачка храната поскапе, но апсолутен рекордер е Унгарија, каде што цената на храната во продавниците е повисока за 49,6 отсто во декември 2022 година во однос на декември 2021 година. Цената на лебот во Хрватска порасна многу повеќе отколку во Италија, Словенија и просекот во ЕУ.

Приближно ист раст е забележан и во Словачка, а Унгарија со раст од 82,1 отсто е апсолутен рекордер во ЕУ. Интересно е што во октомври зголемувањето на увозните цени на овој производ во Хрватска изнесуваше 30,9 отсто, што е далеку помалку отколку во Германија, Италија, Унгарија и Словенија, каде увозните цени на лебот пораснаа за околу 50 отсто. Растот на цените на месото во Хрватска е на ниво на просекот на ЕУ (17 отсто), повеќе отколку во Италија, а помалку отколку во Германија и Словенија.

Словачка и Унгарија се издвојуваат со особено висок раст, од 30 и 40 проценти. Заедно со индексот на раст на потрошувачките цени, односно цените во продавниците, може да се следи растот на увозните цени на еден производ и растот на цените на производителите. Во ноември, цените на производителите на месо во Хрватска пораснаа најмалку од набљудуваните земји и помалку од просекот на ЕУ.

Но, податоците за октомври покажуваат дека увозните цени во Хрватска пораснале најмногу од сите земји освен Унгарија, објави Индекс хр. Гледајќи ги видовите месо, се издвојува пилешкото, чиј раст на цените во Хрватска (18,1 отсто) е најнизок меѓу набљудуваните земји и под просекот на ЕУ (23,5 отсто). Најмалку од набљудуваните земји пораснале цените на маслата и мастите во Хрватска.