Еурофарм Работник на мегдан со Веспрем
Двократниот освојувач на СЕХА лигата, унгарски Веспрем, ќе биде доволен предизвик за Еурофарм Работник, утре во салата „Боро Чурлевски” во Битола (17.15 часот) да даде сè од себе за да ја забележи третата победа во третиот меч во својата дебитатска сезона.
Во групата Б на чело е Веспрем со девет бода од три средби, а Еурофарм е веднаш зад него со шест бода од два меча. Тие се единствените два тима од оваа група без пораз. Победа би можела да ги однесе битолчани на чело на табелата.
Битолскиот клуб има одличен старт во својата прва сезона во СЕХА лигата. Во првите два меча Еурофарм Работник играше на свој терен како што ќе игра и вечерва. Битолчани запишаа две победи, против Спартак Москва (34-29) и против Металопластика (32-21).
Европскиот великан Веспрем досега имаше две гостувања, во првото го победи Мешков Брест (28-27), а во второто го совлада Спартак Москва (26-23).
Веспрем имаше и една победа на домашен терен, со Загреб (36-28). Утрешниот меч во Битола е од четвртото коло.