Вчера со 21:19 во првиот меѓусебен натпревар во Битола славеше Еурофарм Пелистер, а денеска (17.00 часот) играчите на Жељко Бабиќ ќе се обидат и по вторпат да го совладаат унгарскиот тим на Татабања за нови важни бодови во Лига Европа.

Моментно во групата „Д“ Еурофарм Пелистер е на третата позиција со пет бодови, а Татабања останува единствената екипа без бодови на последното шесто место.

Бабиќ предупредува дека противникот никогаш не се предава, секој меч е посебен.

– Доаѓа нова борба, за секоја топка, за секој метар. Мора да се одмориме малку физички колку што можеме, па пак да тргнеме со една борбена игра кон нова победа – вели хрватскиот тренер.

Како што е веќе познато овој двомеч во салата „Боро Чурлевски“ го водат турските судии Курсад Ердоган и Ибрахим Оздениз.