Eкипата на Пелистер беше немоќна во денешното дерби против Вардар во ракометната Суперлига. Вардарци славеа победа со 28:24.

Почетните минути од натпреварот донесоа изедначена игра, но Вардар набрзо направи предност од три разлика 6:3. Битолскиот состав имаше проблем со реализација, а црвено-црните знаеа како да го искористат тоа. Пред крајот на полувремето Вардар стигна и до предност од пет разлика 15:10.

Битката продолжи и во второто полувреме, Вардар имаше водство, а гостите се обидуваа да ја намалат негативата. На 15-тина минути до крајот и стигнаа на еден на „минус еден“ (20:21).

Сепак, тука Вардар одново го подигна нивото на игра и до крајот славеше со 28:24.

Марко Срдановиќ беше најефикасниот во Вардар со осум погодоци. Исто толку постигна Филип Кузмановски за Еурофарм Пелистер.