Ракометарите на Еурофарм Пелистер вечерва (18.45 ч.) ќе се обидат да дојдат до првата победа сезонава во Европската лига и тоа на гостински терен против Кадетен Шафхаузен.

Противникот е добро познат екипата на Кадетен Шафхаузен против кого играа и минатата сезона во групната фаза. Пред една година, битолчани одиграа 25:25 на домашен терен, додека во Швајцарија загубија со 29:26, но вечерва ќе се обидат да ја поправат сликата не само од минатата сезона, туку и од минатата недела кога загубија од Ним со 21:26.

– Нашиот противник има голема традиција. Тие се силен тим, кој трча многу и игра цврста одбрана. Сигурно дека играме против сериозен противник против кого верувам дека ќе победиме. Одиме во Швајцарија со почит, но тоа е меч на кој можеме да победиме. Немаме многу што да менуваме. Јосип Периќ ќе започне од првата минута. Сè други е горе-долу исто. Мора да одиграме добра одбрана, а ако сакаме победа, мора да бидеме далеку попрецизни во напад – порачува Жељко Бабиќ, тренерот на Е. Пелистер.

Бабиќ на вечерашниот натпревар ќе може да смета на Јосип Периќ кој се опорави од повредата и ќе може да им помогне на соиграчите.