Денеска екипата на Металург во домашното првенство триумфираше во „Автокоманда“ со резултат 25:21 против вториот тим на Еурофарм Пелистер.

Составот на Зоран Кастратовиќ нешто потешко од очекувањата дојде до првите бодови, после првото полувреме ниту една од екипите немаше предност (11:11).

Во вториот дел скопските „сино-бели“ успеаја да го скршат отпорот на гостите кои водеа рамноправна борба.

На семафорот стоеше 16:16, а потоа домаќините направија една клучна серија од 4:1 која беше пресудна за дилемите околу победникот.

Мартин Серафимов беше најрасположен во Металург со седум голови, пет имаше Марко Тарабокиа, а за битолската екипа девет погодоци запиша Јован Талевски, четири помалку Дарио Петровски.

Суперлига, резултати: Металург-Еурофарм Пелистер 2 25:21, Голден Арт КЛ7-Охрид 23:29, Јуниор КВ-Тинекс Пролет 20:26, Работнички-Бутел 23:33, Астраион-Радовиш 34:33, Младост 1977-ГРК Тиквеш 27:25.