Еурофарм го „крои“ тимот за ЛШ, потпиша и Вегар - Слободен печат
РакометСпорт

Еурофарм го „крои“ тимот за ЛШ, потпиша и Вегар

Денеска Еурофарм Работник официјализираше уште едно летно засилување, станува збор за Марин Вегар од БиХ кој игра на позицијата лев бек.

Со договор на една година ќе ги брани боите на Еурофарм Работник кој ќе го има дебитантскиот настап во Лигата на шампионите.

Левиот бек лани настапуваше за романската Стеауа, потоа четири години во Нексе, а три во босанскиот Извиѓач Љубушки. Битолскиот клуб полека, но сигурно го „крои“ составот за настапот во ЛШ, претходно пристигна словенечкиот среден бек Анже Ратајац.

Имаше серија на репрезентативни засилувања како Мартин Велковски, Бојан Маџовски и Никола Митревски, а се збогуваа со Мемиќ, Крстевски и Филип Кузмановски кој се пресели во германскиот Магдебург.

По пауза од 14 години Лигата на шампионите се враќа во ракометна Битола, потсетување дека ждрепката одлучи Еурофарм Работник да се најде во групата Ц со Савехоф, Татран Прешов, Кокс, Бидасоа Ирун и Спортинг.

Целиот распоред на Еурофарм Работник во групната фаза на ЛШ можете да го погледнете ТУКА

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Слични артикли

Напишете коментар

Вашата адреса за е-пошта нема да биде објавена. Задолжителните полиња се означени со *

Close