ЕУ привремено ги укина царините за украинските производи
Советот на ЕУ, кој ги застапува 27 земји членки, одобри укинување на царината на увоз од Украина на една година, за да му помогне на стопанството на земјата на која Русија изврши воена агресија.
Оваа мерка ја предложи Европската комисија на 27 април, а Европскиот парламент ја одобри на 19 мај. Одлуката сега е потврдена од Советот и ќе стапи на сила еден ден по објавувањето во Службениот весник на ЕУ, стои во зивестувањето.
„Со укинувањето на царините ќе се олесни трговската размена со Украина, по руската агресија и ќе се помогне нејзиното стопанство“, изрази задоволство потпретседателот на Комисијата, Валдис Дамбровскис.
Билатералната трговска размена меѓу ЕУ и Украина минатата година изнесуваше 52 милијарди евра, соопшти европското извршно тело.
Бруто домашниот производ (БДП) на Украина се очекува да падне за 35 отсто оваа година, според проценката на Меѓународниот монетарен фонд (ММФ) објавена на 19 април.