Европската унија планира да потроши стотици милиони евра следната година за да им помогне на бегалците што живеат во Турција. Голем дел од нив побегна од граѓанската војна во Сирија.

Европската комисија, синоќа соопшти дека проширува две програми, едната обезбедува финансиска помош за бегалците во Турција за да ги задоволат нивните основни потреби, а другата обезбедува средства за поддршка на образованието на децата.

Програмите продолжуваат до почетокот на 2022 година со вкупна сума од 485 милиони евра.

Комисијата соопшти дека тие обезбедуваат многу потребни пари на повеќе од 1,8 милиони бегалци и помагаат во образованието на повеќе од 700.000 деца. Со програмите управува Турската црвена полумесечина во партнерство со Црвениот крст и УНИЦЕФ.

Парите не одат директно во турската влада.

Турција е дом на речиси четири милиони бегалци. Околу 70 отсто се жени и деца, а огромното мнозинство бегалци живеат надвор од камповите за мигранти.

Извор.МИА