Израелската компанија Њусајт денеска соопшти дека добила одобрување од ЕУ за својот брз тест за коронавирус, кој треба да помогне за побезбедно патување. Резултатите од супер брзиот тест, кој се спроведува со брис, се познати по само 20 секунди анализа.

Тестот е развиен од Newsight на Assoolin, заедно со медицинскиот центар Шеба, како дел од новоформираната програма за дијагностицирање на вируси, јави „Тајмс оф Израел”.

Рачната машина СпектраЛИТ ја елиминира потребата од сложена лабораториска опрема, што би овозможило аеродромскиот персонал, со помош на оваа машина, да ги има резултатите за 20 секунди.

Системот, тестиран во 36 болници во светот, го доби одобрението од Европската директива за медицински уреди за верзија на тестот на брис, со што се овозможува да биде користен во Европската унија, посочува израелскиот весник.

Ејал Зимлихмен, лекар од медицинскиот центар Шеба, кој помогна во развивањето на оваа технологија, за „Тајмс оф Израел” посочи дека тестот е со релативно висока точност – 70 до 80 проценти и дека ќе биде многу евтин.