ЕУ нема да ги затвори внатрешните граници поради новиот коронавирус

Европска комисија соопшти дека земјите-членки на шенген зоната не планираат да воведат гранични проверки, но предвидени се контроли на надворешните граници на ЕУ.

Владините експерти на земјите-членки на Европска Унија се согласија дека блокирањето на прекуграничното движење во ЕУ на луѓето со симптоми на новиот коронавирус би било контрапродуктивно и оти карантинот е пожелна опција.

Земјите-членки на Шенген зоната ги интензивираа планираните мерки за запирање на ширењето на новиот коронавирус откако минатата недела Ковид-19 се појави во северниот дел на Италија.

Европска комисија соопшти дека земјите-членки на шенген зоната не планираат да воведат гранични проверки, но предвидени се контроли на надворешните граници на ЕУ.

Според експертите карантинот за лицата со симптоми на новиот коронавирус е многу поефикасна мерка за сузбивање на епидемијата во Европа.

Одлуките за воведување на привремени гранични проверки ги носат националните власти и ЕК не може да стави вето на нив, но земјите-членки се должни да го известат Брисел за новите мерки. Државите би можеле да наметнат нови здравствени проверки ако сакаат, што би било преседан, бидејќи гранични контроли никогаш досега не се воведени поради епидемија.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот