ЕУ ќе плаќа повисоки цени за вакцините против ковид-19 на „Фајзер“ и на „Модерна“

Фајзер вакцина
EPA-EFE/ABIR SULTAN

Американските фармацевтски компании „Фајзер“ и „Модерна“ ги зголемија цените на вакцините против ковид-19 за земјите-членки на Европска Унија, објави денеска Фајненшл тајмс.

Вакцината на „Фајзер“ од 15,50 евра сега ќе се продава за 19,50 евра, додека вакцината на „Модерна“ од 19 евра е зголемена на 21,50 евра.

Европска комисија претходно соопшти дека ЕУ е на добар пат да ја постигне целта – целосно вакцинирани најмалку 70 проценти од возрасната популација до крајот на летото.

Ниту Фајзер ниту Модерна не го коментираа засега зголемувањето на цената на вакцините против ковид-19.

Видео на денот