АстраЗенека и БиоНТек и Фајзер го зголемуваат снабдувањето на Европската унија со вакцина против коронавирусот, кој ја предизвикува болеста ковид-19.

Претседателката на Европската комисија Урсула фон дер Лајен најави дека британско-шведската компанија Астразенека ќе достави дополнителни 9 милиони дози вакцини против коронавирусот до крајот на првото тромесечие од годината, или уште 40 милиони дози, објави Би-Би-Си. Таа на твитер објави дека компанијата со испорака на вакцините ќе почне една недела порано од предвиденото и дека ќе ги прошири своите производствени капацитети во Европа.

Минатата неделла Европската комисија се спротивстави со компанијата, која најави дека нема да може да ги испорача порачаните количини на вакцината против Ковид 19.  Вакцината на АстраЗенека минатата недела беше одобрена за употреба од Европската агенција за лекови, со што по вакцината на БиоНТек и Фајзер, стана втората која е одобрена и од Американската агнеција за лекови и во ЕУ.

Намалено снабдување со вакцини, поради проблеми со производството минататата недела најави и БиоНТек и Фајзер, кои пак утрово соопштија дека ќе го зголемат снабдувањето со вакцина против коронавирус за Европската унија, ветувајќи до 75 милиони дополнителни дози за Унијата на пролет.

„Фајзер и БиоНтек продолжуваат да работат на зголемување на доставата од 15 февруари, и гарантираат дека ќе го испорачаат целиот износ на дози на вакцини во првиот квартал за кој се обврзале и дополнителни 75 милиони дози до Европската унија во вториот квартал”, се наведува во нивно соопштение.