Лидерите на Европска Унија и на Јапонија нагласија дека ќе продолжат да ги интензивираат блиските билатерални односи. Стратешкото партнерство помеѓу нив е засновано на долгогодишна соработка и заеднички вредности.

– Стратешкото партнерство бележи успех во многу клучни области, како што е политичката соработка, трговијата и инвестициите, дигиталната трансформација, заштитата на климата и безбедноста, се наведува во зедничкото соопштение на ЕУ и Јапонија.

Јапонскиот премиер, Шинзо Абе и претставниците на Европскиот совет, Шарл Мишел и на Европската комисија Урсула фон дер Лајен ја нагласија важната улога на партнерството на Јапонија и ЕУ во закрепнувањето од последиците од пандемијата со Ковид-19.

Во заедничкото соопштение се истакнува дека за победа против вирусот и економското закрепнување потребни се глобална солидарност, соработка и ефикасен мултилатеризам.