ЕУ бара решителна борба против ковид-19 во вториот бран за да се избегне реприза на првиот

Еврокомесарката за здравство, Стела Киријакидис денеска побара од земјите-членки да наложат рестриктивни мерки во борбата со вториот бран на ковид-19.

– Во некои земји-членки, ситуацијата е дури и полоша од врвот на епидемијата во март. Тоа е вистинска причина за загриженост. Сите земји-членки мора веднаш да спроведат мерки и во вистинско време при првите знаци на нови потенцијални жаришта, посочи еврокомесарката.

Во Европа има повеќе од пет милиони случаи на коронавирус. Неколку земји почнаа да воведуваат блокади на локално ниво. Смртноста не е на нивото од претходно во оваа година, но бројот на нови случаи одеднаш се зголемува во повеќе региони. Киријакидис смета дека некои земји прерано ги олабавеле рестриктивните мерки.

Прочитајте и...  Раст на депозитите и на кредитирањето во септември

– Не можеме да го спуштиме гардот. Оваа криза не е зад нас. Зимата е време од годината со повеќе респираторни заболувања, вклучително и сезонски грип. Денеска сме овде да ги повикаме сите да постапат решително. Можеби ова е нашата последна шанса да спречиме повторување на минатата пролет, додаде таа.

Според неа, земјите-членки мора да се борат против дезинформациите и теориите на заговор за вирусот. Таа, исто така, предупреди дека ќе мора брзо да дејствуваат за да се спречи потребата од враќање на блокадите, што ќе наштети на економијата, на образованието и на менталното здравје.

Европскиот центар за контрола и превенција на болести (ЕЦДЦ) претходно предупреди дека седум земји од Европската унија – Шпанија, Романија, Бугарија, Хрватска, Унгарија, Чешка и Малта се „високо загрижувачки” поради зголемувањето на смртноста од ковид-19.

Прочитајте и...  Се одбројуваат денови до полицискиот час!

Во најновиот извештај на Агенцијата на ЕУ, со седиште во Стокхолм, се наведува дека овие земји „го зголемија процентот на хоспитализирани и тешки случаи” и „веќе доживуваат растечка или висока стапка на смртност” поради ширењето на коронавирусот кај постарите луѓе.

Европска Унија денеска побара од земјите-членки подобро да им објаснат на своите граѓани што е физичка дистанца и хигиенските правила за спречување на Ковид-19.

Поврзани вести

Пашинјан: Нема друг излез, освен со оружје в рака да се бориме за правата на ерменскиот народ

Слободен печат

Предлог на француската Влада: Вонредна состојба до 16 февруари во 2021 година

Слободен печат

Опозицијата празнично ќе протестира со автомобили од Скопје до Штип

Слободен печат

Со амин од Џафери набавени 100 лаптопи за пратениците

Слободен печат

Бугарија нема поддршка од другите земји на ЕУ, но има целосно право да блокира

МИА Агенција

Рушиме рекорди: Дванаесет лица починаа, нови 641 пациент заразени со ковид-19

Слободен печат

Остави Коментар