ЕУ бара од Куба да ги ослободи уапсените демонстранти

EPA-EFE/JUSTIN LANE

Европската Унија побара од Куба да ги ослободи уапсените демонстранти кои со денови протестираа на улиците во Хавана. 

„Многу сме загрижени поради состојбата на уапсените демонстрант и новинари од протестите кои беа одржани на 11-ти јули во делови на земјата“ изјави високиот претставник на ЕУ за надворешна политика, Јосеп Борел. 

Илјадници Кубанци на 11-ти и 12-ти јули излегоа на улиците повикувајќи на „слобода“ и „пад на диктатурата“ поради кризата во која се наоѓа државата во изминативе години поради пандемијата. 

„Ги повикуваме кубанските власти да ги ослободат уапсените демонстранти и да ги послушаат своите граѓани“ изјави Борел. 

Видео на денот